Supersaftig langpannekake!

Det er fredag og helg, og sikkert mange som har bursdag i dag!? Så då feirar vi for alle som har bursdag i dag med oppskrift på denne rågode langpannekaka som eg laga til sommerfesten i barnehagen. Den gjekk unna i ein fei i barnehagen, og var stor suksess her heime også når vi skulle prøvesmake.

Den er virkelig FOR god til å ikkje delast! Det finnast truleg ikkje saftigare sjokoladekake, og min personlege meining er at dette er virkelig verdens beste sjokoladekake!

INGREDIENSER KAKEBUNN: 

1 liter (600 g) kveitemjøl

1 liter (900 g) sukker

3 ss Freia Bakekakao

2 ts natron

1 ts Freia Bakepulver

1 ts Freia Vaniljesukker

1 ts kanel (kan sløyfast)

1 liter skumma kulturmjølk

FRAMGANGSMÅTE BUNN:

Bland dei tørre ingrediensane i ein bolle. Tilsett kulturmjølka og rør det heile godt saman. Hell røra i ei smurt langpanne, bruk gjerne bakepapir. Steik kaka ved 200 grader i 25-30 minutt på midterste rille. Avkjøl kaka i forma på ei rist.

INGREDIENSER GLASUR: 

1 dl kremfløte

200 g Dronning Sjokolade

FRAMGANGSMÅTE GLASUR: 

Kok opp kremfløte. Brekk sjokoladen i biter og smelt den i den varme fløten. Rør godt til glasuren er blank og fin. Avkjøl før den smørast over kaka. Her er det pynta med Center, sjokoladestjerner og karamellfudge. Å ta nokre bitar fudge fra smågodtposen og kutte dei til mindre bitar er og kjempegodt å dekke kaka med.

*****

 Denne må dere teste! Let me know what you think! 🙂

Klem fra Anita